會令你進步的鋼琴老師的5個特徵

我地明明努力練左琴，但點解都係冇進步呢?

又或者係明明本身對古典樂好有興趣，點解學學下就冇晒心機?

未必係你唔鍾意彈琴/懶。可能係你未遇到適合你嘅老師

根據我自己學琴嘅經驗，總結一下好嘅鋼琴老師會有嘅特質

1. 度身訂做

好嘅老師會跟據你的程度、興趣同埋弱點選曲

太難嘅曲目會令人沮喪，太簡單嘅曲目會悶，並且拖慢你嘅進度

學嚟學去都係啲簡單嘢，正常人都冇心機練啦

彈嚟彈去都係etudes? classical, baroque? 咁romantic period呢? French music?

當你知道有朝一日你可以彈到你嘅dream piece, 你就會想早啲去到嗰度, 自然會畀心機練琴

2. 興趣行先

見過唔少人學琴遠都係得考試歌，成日畀人焗去考級。

咁樣學法，邊個會學得開心? 難怪咁多人學到八級就以後唔掂琴

學琴唔應該係咁。學習應該係由興趣同好奇心出發。咁先會想認真學，去發掘同吸收。咁樣學嘢先係由心出發，唔係成計住自己付出左幾多時間同心血，同回報成唔成正比

This is ART. Doing for the sake of doing. 唔係因為彈琴對個腦好。唔係因為識彈琴會型啲 (咁諗就柒架啦)。唔係因為父母/老師要你考級。

係純粹因為鍾意彈琴，鍾意古典音樂，享受練習同慢慢變好的過程

好嘅鋼琴老師可以畀你感受到古典音樂嘅魅力(通常係透過示範，講故事，比喻)，令你可以更享受音樂，同埋更有動力練好首歌，彈畀自己或者其他人聽

3. 即時改善

可以令你立即解決困難樂段、提供明確並有效練習方向

如果你老師鍾意用啲好抽象/含糊嘅表達方法，你又唔係好知做緊乜，試左幾星期都冇明顯進步，咁好大機會唔係你嘅問題

你嘅老師最好有豐富的演出經驗(最好有片)，咁你先知佢教嘅嘢係實戰經驗累積返嚟，而唔係紙上談兵 (除非你想做白老鼠啦)

識彈唔識教，可能有

但唔識彈但識教係 冇 可 能。啲技巧佢自己都冇試過，點知會唔會work?

(咁最好梗係識彈又識教啦)

如果今日有個外星人嚟，畀一年你練好一首歌，彈得唔好聽就做低你，你會唔會揀個唔識彈嘅人嚟教你?

4. 協助設定長期和短期目標

會幫同你一齊諗長期目標 (e.g. 兩個月後要錄左首sonata, 一年後要考到AT? 之後開始學你嘅dream piece?)和短期目標 (e.g. 今星期練習要練中練習邊啲段落，要focus聽harmony轉換)

就算你幾鍾意彈琴，人始終係懶惰嘅。有得抖，梗係抖耐啲啦

一個好嘅鋼琴老師，會問你真正想要啲咩，用唔同options去引導你思考

咁嘅話，你嘅努力就係為左自己，唔係為屋企人/老師

為左做你真正想做嘅嘢，你願意犠牲啲咩? (唔好再碌手機啦… go work on your dreams!)

如果你想信你嘅老師真係有能力令你彈到你嘅dream piece, 你仲會偷懶嗎? I don’t think so

5. 對人生有獨到嘅見解

人好多時會有迷惘嘅時候，唔係好知自已做緊咩

Life is like music. 就好似一縷煙

That’s the beauty of life. There’s no destination.

The journey is the point.

如果你成日諗住要快啲彈完，而唔好好享受當下，你嘅音樂唔會好聽架。Music needs time.

如果你成日諗住要快啲成功，你嘅人生都會好冇樂趣，因為只有達成目標先會令你開心

你可能會覺得第4點同第5點有衝突，但其實佢地相輔相成。

享受過程會令你更投入，花更多時間心血去達到你想要嘅結果

而知道有誘人嘅reward等緊你，都會推動到你喺don’t feel like doing嘅時候stay consistent

一個好嘅鋼琴老師唔止會令你琴技進步，仲會有好多人生嘅啟發畀到你

想學琴更有效率就subscribe我嘅newsletter啦! 嚟緊會每星期更新~